Frumbyggjar Norðurslóða eru almennt við verri heilsu en aðrir íbúar svæðisins. Síðan afkomendur Evrópubúa hófu að leggja undir sig heimalönd frumbyggjanna, og fram á síðari hluta 20. aldar, gengu þeir í gegnum átakamiklar félagslegar- og efnahagslegar umbyltingar, voru neyddir til að yfirgefa heimalönd sín, samlagast og „nútímavæðast“ vestrænni menningu með alvarlegum afleiðingum fyrir heilsu þeirra og velferð. Í þessari ritgerð er fjallað um tvo mikilvæga þætti er varða heilsu og velferð frumbyggja á Norðurslóðum. Annarsvegar er það fæðu-óöryggi, orsakir og afleiðingar, og sambandið milli hefðbundinnar fæðu og leiða til fæðuöflunar og „vestræns“ mataræðis. Hinsvegar er fjallað andlega heilsu frumbyggjanna, með sérstaka áherslu á sjálfsvíg, orsakir og afleiðingar, hvernig þau tengjast atburðum og áföllum fortíðar og er viðhaldið af áskorunum sem frumbyggjarnir standa frammi fyrir í dag.